美濃地標「東門城樓」，係美濃唯一殘留个（的）城門古蹟，在美濃風土歷史佔有重要个一席之地。
東門樓建於乾隆20年（1755），為瀰濃庄四座柵門中唯一建有門樓个城垣，古色古香，已成美濃地標，令人發思古之幽情。
客族先民在清雍正末年搬到福安庄歇（住），乾隆元年奉祀開基伯公，定庄名「瀰濃」，日治時期更名美濃。
先民搬來瀰濃後，因為該位原本係原住民遊獵地區，為防範外族侵襲而修築柵門、砲台抵禦外侮，東門樓係當時建造个一方城樓，到這下其他城牆都既經在歷史洪流裡背淹沒消失，唯獨東門城樓幾經砲火洗禮，瀰濃庄民三番兩次修築，到現下還屹立原所在，向後世子民摎遊客細訴當年墾殖開庄个艱辛歷程。
東門樓建造於乾隆廿年間，原城高十公尺，造形為中國古城門形式，除了防禦功能外，城樓項供奉太白星君、文昌帝君，以及武聖關公等文武神像石雕，砥礪庄項子弟習文練武，成為允文允武个優秀子弟。
不幸个係該城樓各種寓意非凡个石雕、建築，擋得核（住）原始入侵者个刀槍棍棒，嗄擋毋核（卻擋不住）砲火無情个摧殘，日人佗（在）中日戰爭時將城樓改造成鋼筋水泥个防空監視台，上懸警鐘派人監視，敵機臨空時敲鐘示警，幸好瀰濃庄民有情有心，民國26年重建東門城樓供後世留念。
民國46年，庄民將改造个鐘樓拆除，恢復原來个龍門鳳椽屋瓦，於門楣上重新懸掛一方模仿當年城樓項个「大啟文明」匾額保存迄今，古色古香，發人幽思。
該城門最久遠个古蹟係砌立佗城門右片个兩方石碑，一篇光緒16年个重修福德壇碑，另二方為新舊「端風正俗」碑，碑文載明清軍府代理鳳山縣正堂所立端風正俗告示，舊碑於清光緒年間砌造，因下半部已斷裂，碑文已分風雨侵蝕，61年重立新碑保存原載史實。
東門城樓雖因種種歷史變遷已非原始風貌，毋過（不過）該城樓同瀰濃開庄只隔廿年，已有269年悠久歷史，遊客穿梭城樓下，更可感受美濃客族堅毅純樸个原鄉情濃氣息。
美濃客族團結、硬頸精神令人刮目相看，博士、碩士、學士比例為全省之冠，傳承東門城樓「允文允武」个先民教誨，歷久彌堅，「大啟文明」！
