中國樂器依製作材質分成金、石、絲、竹、匏、土、革、木等八類，安到（稱為）「八音」，客家人由中原流離遷徙到廣東蕉嶺同（和）梅縣一帶，不停吸收摎（與）融合各地民間音樂，並保存自家（自己）原有風格，逐漸演變成特殊个「客家八音」。
客家人遷徙到臺灣，輾轉融通个客族樂班，分（被）人安到（稱為）「八音班」或「鑼鼓班」，屬於中國地方鼓吹樂隊，廣泛流傳於民間，舉凡婚喪喜慶或迎神廟會，都免不了吹吹打打。
客家八音在頭擺（以往）農業社會演奏場合有四類：第一類為農曆祭祀个廟會演奏，逐（每）年元月15日上元節起天神，1月到3月各村落个接媽祖，摎（以及）客族所供奉个恩主公、五穀大帝、觀音菩薩、三山國王、城隍爺摎（和）義民爺等各神祗誕辰，農曆7月15日中元普渡廟會，農曆10月15日下元節還天神，摎（以及）各寺廟落成建醮大典。
第2類為喜慶中个演奏，有春節个噴春、婚禮、祝壽誕辰、文官及第舉行文廟祭典儀式演奏；第3類係摎（與）臺灣北管亂彈相結合，做為戲劇演出時个後棚或後場音樂演奏；第4類為莊嚴肅穆个喪禮演奏。
客家八音平常分為5種組合，4人組通常用在規模較簡單个廟會，因人數少，演奏樂曲較簡單；5人組出現佗（在）客家話俗稱「打醮」个廟會摎（以及）一般婚喪喜慶，演奏曲目比4人組多，音響也較豐富；6人組係客家八音演出最通用个一組，做得講係（可說是）民間表演个標準型，所有八音各類曲目都做得（能）演奏；7人組一般佗（在）特殊大場面正（才）使用，而8人組吹場音樂時做得（可以）有四把嗩吶齊奏，聲音宏亮，有浩瀚雄壯之氣，演奏八音時，可把所有伴奏樂器包容進去，做出齊全豐富个音效。
「吹場樂」就係一般民間所講个鼓吹樂，係純粹个吹打音樂，使用樂器除忒（了）嗩吶外，只有傳統个民間打擊樂器。
「絃索樂」即一般所講个八音，係民間小樂隊合奏，演奏形式除嗩吶合奏外，其餘由民間傳統樂器伴奏，此類音樂功用多含有表演性質，在祭禮或迎送賓客時並毋（不）適用，演奏內容大部分係民間小曲，乜（也）有傳統个大曲，還做得（可）表現唱腔个模擬，客家八音常吹客家戲、亂彈戲，在臺灣下把乜（偶爾也）吹歌仔戲，客家山歌9腔18調，乜（也）係客家八音主要曲目之一。（作者／黃山高）
【漾新聞】#漾新聞 #高雄 ＃黃山高
看更多新聞 請點選「漾新聞」網址 https://youngnews3631.com/index.php
